شرائح السلمون بصوص الخل البلسمي

طبق سريع من المليون طريقة لعمل السلمون. صوص الخل البلسمي مع العسل والمسطردة مزيج فريد لان النكهة الحامضة بتوازي النكهة الحلوة من العسل و بيدوا للسمك طعم ممتاز. 

بجد من اكتر الأسماك اللى ممكن تتعمل بمليون طريقة وطريقة. غير فوائدة الصحية زى حمض الأوميجا 3 وغيرها. السلمون لذيذ وسريع وبيشبع.

قدموا الطبق مع الأرز الأبيض المبخر او الخضار المسلوقة او حتي سلطة حضرا فريش, انتو ومزاجكو بقا. بينا على المطبخ J

مدة التحضير: 10 دقائق مدة الطهي: 18 دقيقة العدد: شريحتين سلمون لفردين

المكونات:

-        اولا تتبيلة السمك ودي رشة ملح ورشة فلفل على فصين ثوم مهروس

-        شريحتين او جزلتين سلمون متكونش أكتر من 4 سم في السمك

-        عصير ليمونة كبيرة

-        فصين ثوم متقطع شرائح كبيرة

-        3 ملاعق كبيرة خل بسلمي

-        2 ملعقة كبيرة زيت زيتون

-        معلقة كبيرة معجون مسطردة

-        معلفة كبيرة عسل نحل

-        اعشاب مجففة للزينة

طريقة التحضير:

-        تمزج مكونات تتبيلة السمك ويدهن السمك ثم بنقل إلى الثلاجة لمدة 15 دقيقة قبل الطهي.

-        لعمل الصوص تخلط المكونات ال6 التالية في طبق صغير بالملعقة حتي تتجانس.

-        على نار هادية في مقلاة ساخنة يصب الصوص ويقلب باستمرار حتي يصبح سميكا ويقل إلى ¾ حجمه.

-        ينقل إلى طبق صغير ثم ترجع المقلاة على النار.

-        تعلي الحرارة على المقلاة إلى المتوسط ويرش القليل من زيت الزيتون ثم توضع شريحتين السلمون.

-        تصب معلقة كبيرة من الصوص على كل شريحة وتطهي لمدة 4 دقائق ثم تقلب ويضاف ملعقة اخري من الصوص على كل شريحة.

-        تطهي على الجانب الأخر لمدة 4 دقائق ثم ترفع من على النار وتقدم في طبق التقديم. من الممكن طهي الشرائح لاقل من 4 دقائق لمحبي السمك قليل السوا.

-        ترش كبشة من الأعشاب المجففة مثل الريحان اوالزعتر او النعناع حسب الرغبة.

-        يقدم باقي الصوص في طبق منفصل للإضافة حسب الرغبة.

-        يقدم السمك مع اى من الأطباق الجانبية المذكورة مثل الأرز او الخضار او السلطة ويارب تعجبكوا وبألف هنا

#نصيحة_مطبخية

عادة شرائح السلمون الى بيكون سمكها 3.5 سم تقربيا بتاخد 4 دقائق على جنب عشان تستوي على الأخر (بشرط ان المقلاة تكون متسخنة). لمحبي السمك ناقص السوا زيي كدة, 3 دقائق او اقل شوية على كل جنب كفاية اوي وفي الأخر عينينا هي اللي بتحكم, لو السلمون لسه لونة احمر شوية من جوة يبقا لسة مستواش على الأخر ولو بقا بمبي فاتح يبقا خلاص استوي تمام.

أنا بوزت ورميت اكل كتيرعشان انتو متبوزوش حاجة