أرز بالأخطبوط على الطريقة البرتغالية

طبق برتغالي على ابوه يعني ينفع للغدا السريع او حتي العشا.

لتوفير ساعة الأقل ممكن نسلق الأخطبوط اليوم اللي قبله عشان نوفر ساعة على الأفل. لو معنداش اخطبوط او مش بنحبة ممكن نستبدله بسيبيا (سبيط او كالاماري) لكن نزود الكمية عشان السيبيا بتنكمش جامد.

مدة التحضير: 20 دقيقة مدة الطهي: 30 إلى 60 دقيقة حسب الحلة (الطنجرة) المستخدمة العدد: 4 أطباق

المكونات:

-        نص كيلو اخطبوط متنضف كويس. لازم نشتري الأخطبوط من سماك بنثق فيه لانه لازم ينضرب جامد عشان يطري. لواشتريناه ف نفس اليوم يفضل نحطه في الفريزر ونطبخة اليوم اللى بعده عشان ميشدش مننا.

-        كوب أرز طويل الحبة او 150 جم (لكن مش بسمتي, لو مفيش نستخدم الأرز المصري عادي), يغسل وينقع في ماء قبل التحضير بتلت ساعة (4 ادراج)

-        حبة بصل مقطعة مكعبات

-        3 فصوص ثوم مهروس

-        حبتين طماطم مقطعين مكعبات

-        حزمة بقدونس على شبت , متفطعة على خفيف

طريقة التحضير:

-        نسلق الأخطبوط مع فنجان مية في الحلة الضغط لمدة تلت ساعة او نسلقه في حلة عادية لمدة ساعة مع نص لتر ماء.

-        نشيل الأخطبوط ونقطعه مكعبات بالسكينة ونحتفظ بمية السلق. هيبقا لونها احمر (اوعو تكونوا بتقرفوا J).

-        نشوح البصل والثوم على  زيت زيتون ولما يحمروا ننزل بالطماطم ونستنا لما تدوب شوية.

-        نصب الأرز ونقلبة عشان يختلط بالمكونات التانية.

-        نزود كوب ماء وكوب من مية سلق الأخطبوط, ونقلب ونستنا لما يبدا يغلي وبعدين يشرب المية. عادة الرز ممكن ياخد 15 دقيقة على ما يشرب المية.

-        نحط مكعبات الأخطبوط ونقلبهم في الأرز كويس.

-        نوطي النار خالص ونغطي ونسيب الارز لمدة تلت إلى نصف ساعة او لما يستوي. الوقت هيعتمد على نوع الأرز المستعمل.

-        نزود بقية مية سلق الأخطبوط لو لسه فية وبعدين ننزل بالبقدونس والشبت ونسيبه يستوي 5 دقائق كمان.

-        يقدم مع المزيد من الخضرة على الوجه وممكن نزود حلقات بصل مقلية لغاية ما تحمر بتدي نكهة جميلة. الحقيقة الجزء دا مش في الوصفة البرتغالية الأصلية لكن انا بحبها. وصراحة البصل ملحقش يوصل الصورة عشان كلتو لما طلعتو من المقلاية, مقدرتش أقاوم J

يارب تكون عجبتكوا وبألف هنا على قلوبكو