كوكيز الكاكاو الهشة بقطع الشوكولاتة البيضاء

كوكيز الكاكاو بجد من ألذ أنواع الكوكيز لأن الكاكاو المر مع السكر البني بيدوا طعم جميل, والكاكاو والسكر البني هما السبب الرئيسي ان الكوكيز دي بتكون هشة او Chewy بمعني انها مش مقرمشة وعشان كدة بنحس شوية انها شبه البراونيز لكن قطع الشوكولاتة البيضا بتديها قرمشة جميلة وقوام متجانس وجميل. صراحة انا كنت خايبة موت في الكوكيز وسنين كتيرة كانوا بيتفردوا مني في الفرن وبرميهم نايين وبرمي العجينة لكن الحمد لله المرة المليون تابته والوصفة دي نجحت معايا J  وانا شخصياً من اهم المبادئ اللى انا بتبعها في الطبيخ انه مفيش حاجة اسمها الوصفة دي ممتازة ونسبة نجاحها 100%, الواحد لازم يجرب ويفشل لغاية ما يوصل لوصفته الخاصة, امال هما عملوا الاجندات ليه؟ عشان نسجل ونكتب وصفاتنا المفضلة اللى جربناها ونجحت معانا. يلا نجرب كوكيز الكاكاو.

مدة التحضير: 30 دقيقة مدة راحة العجينة: 20 دقيقة مدة الطهي: من 20 إلى 25 دقيقة

العدد: من 8 إلى 10 وحدات كوكيز

المكونات:

-        نصف كوب (125جم) زبدة غير مملحة في درجة حرارة الغرفة

-        كوب (200جم) سكر بني فاتح

-        بيضة

-        ملعقة صغيرة بيكنج باودر

-        كوب (120جم) كاكاو خام فاخر, يفضل النوع اللى فيه 50% إلى أكثر كاكاو

-        نصف كوب (75جم) دقيق متعدد الأغراض

-        كوب ونصف (150جم) شوكولاتة بيضة خام مقطعة, انا بشتري بار شوكولاتة الطهي وبقطعه بسكينة حامية قطع كبيرة لأني بحب قطع الشوكولاتة تكون تخينة وبشكل مكعبات كدة. تقسم الكمية إلى الثلث والثلثين.

طريقة التحضير:

-        في سلطانية عميقة تضرب الزبدة مع السكر بملعقة خشبية حتي البدء في الحصول على القوام الكريمي.

-        يضرب الخليط بالمضرب اليدوي على سرعة منخفضة لمدة 7 دقائق على الأقل.

-        تضاف البيضة ويستمر الضرب وترفع السرعة إلى المتوسطة ثم تضاف المكونات الجافة على 3 دفعات مع رفع السرعة حتي يتماسك الخليط.

-        تضاف ثلث كمية الشوكولاتة القطع وتقلب في الخليط جيداً بالملعقة الخشب.

-        تغطي العجينة بورق بلاستيك ثم تدخل إلى الفريزر لترتاح لمدة 20 دقيقة.

-        يسخن الفرن على 180  درجة مئوية ثم يوضع ورق زبدة (ورق الخبز) على صاجة الخبز.

-        تخرج العجينة من الفريزر وباستخدام الملعقة او مغرفة الآيس كريم ترص 5 وحدات متساوية الحجم في على الصاجة مع ترك 10سم بين الواحدة والأخري على الأقل. يمكن رص عدد أكبر من الوحدات إن سمح حجم الصاجة.

-        نبدأ في وضع قطع الشوكولاتة على وحدات الكوكيز بوضع كمية مناسبة في منتصف كل واحدة والضغط بالأصابع إلى الداخل حتي لا تقع القطع خارج الكوكيز وتسيح على ورق الخبز.

-        تخبز لمدة 20 إلى 25 دقيقة او حتي تبدأ الجوانب في النضوج, وصدقوني في الكوكيز بالذات لو الريحة مطلعتش يبقا هيا لسة مقربتش تستوي. احنا عوزين الحروف جامدة وناشفة لكن مش محروقة والمفروض يكون السطح طري واسفنجي نوعاً ما (لكن مش ني اكيد).

-        طبعا المفروض ان الكوكيز بتطلع مستوية من تحت ومن الجوانب لكن طرية من فوق لأنها هتنشف لوحدها.

-        تخرج الصاجة من الفرن وتترك لترتاح وتبرد في مكان يفضل أن يبعد عن حرارة الفرن لمدة 30 دقيقة ثم ترص الوحدات على طبق التقديم.

-        تقدم مع الحليب البارد او حليب الشوكولاتة وبألف هنا J